المقادير
5 بيضات
3/4 كوب سكر
3/4 كوب دقيق
ذرة ملح
ملعقة صغيرة فانيليا
معلقة صغيرة بكينج بودر
مربى مشمش او فراولة
2فرخ ورق زبدة
الطريقة
نضرب البيض بمضرب الكهرباء لحد ما تلاقيه بقى هش وفيه رغاوى نضع الفانيليا
نضع السكر شويه شويه على البيض واحنا بنضرب لحد ما تشوفى تخانته كانك حاطه عليه دقيق
ينخل الدقيق ويضاف له البكينج بودر وذرة الملح.....
بالمعلقة الخشب نضع الدقيق على الخليط ونقلب واحدة واحدة فى اتجاه واحد
ولعى الفرن وخليه جاهز على حرارة متوسطة
ندهن صينية طويلة بدون حواف بالسمن
نقص ورقة الزبدة على قد الصينية مع ترك 1سم من كل جنب
ثم نضع الورقة على السمنة اللى دهناها هنلاقى الورقة لزقت وندهن الورقة كويس بالسمنة
نصب فوقها الخليط على ان يكون سمك الخليط 1 سم تقريبا
توضع الصينيةفى الفرن لمدة10 دقايق او ربع ساعة بالكتير لحد ما وشها يحمر
جهزى على الرخامة ورقة الزبدة التانية افرديها امامك ورشى عليها سكر بودرة
بعد ما تطلع الصينية اقلبيها على الورقة المرشوشة سكر بودرة واشيل الصينية بالراحة من فوق الكيكة واشيل برضه الورقة اللى لازقة فى الكيكة بالرااااااااااا ااااااحة
الف الكيك على الفاضى على الورقة اللى مرشوشة سكر لمدة10 دقايق
نخفف المربى بوضعها على مقلاية على نار هادية ولفة واحدة ها تلاقيها بقت ناعمة
نفك السويسرول ونفرد عليه المربى مع ترك2/1سم من كل جهة
عند التقطيع الف السويسرول واضعه فى الثلاجة حوالى ساعتين واكون قافلة الجوانب كويس
لما يطلع افك الورقة واقطع الحتة الفاضية من كل جنب ويا نرش الوش بالسكر البودرة يا نفرد عليه مربى
وادحرج السويسرول على ورقة عليها مكسرات فحتمسك على طول فى المربى
ودى صور ليه
وكان معكم الشيف تاتى فى قسم الحلويااااااات
وكان الله فى العون
