البيع والشراء

موضوع: البيع والشراء الأحد أبريل 13, 2008 12:19 pm

الحب
كما هو معرّف في كلّ لغات العالم
لم أجد له صفة تتعلّق بالبيع و الشراء
إلاّ في أغانينا العربية العاطفية

ايه هو السبب يا ترى؟

حتّى كبار الفنانين و المطربين العرب
ما رحموناش من المعاني التجارية دي

أكيد بتعرفوا أغنية عبد الوهاب اللي بيقول مطلعها :

بفكر ف اللي ناسيني
وبنسي اللي فاكرني
وبهرب م اللي شاريني
وادور ع اللي بايعني

طيب ....
ايه الفرق بين الشاري و البائع فى الحالة دي ؟
و مين دفع أكثر؟
و هل كان الدفع نقداً أو بالتقسيط؟

بصراحة ....
تخنقني الأغاني دي اللي تشبه صفقات تجارية

لاء وشوفوا المجنونة التانية وردة الجزائرية
ما عرفش إذا سمعتوا أغنيتها " أشتروني "
لا حول ولا قوه الا بالله ..
يعني ما لاقتش طلب أجمل من كده للتعبير عن حاجتها للحب؟

قال ايه :

اشتروني و اشتروا خاطر عيوني
و ريّحوني
ياللي غاويين تتعبوني
ريّحوني

كان لازم تقول بدل ريّحوني
اوزنوني .. لووووووووول
يمكن السعر بالكيلو أربح

و علشان يشتروها بسرعة
شوفوا ايه بتقول للي مش راضيين يشتروها :

صدّقوني
دا النهاردة انا بين إيديكم
صدقوني
بس بكرة حاتدوروا
مش حاتلاقوني

يعني ايه هي فاكهة موسمية و مش ممكن تنباع الا بالوقت؟
مش حاجه بيجنن يا ناس؟

بس اللي قاهرني أكتر واحد فيهم
هو العندليب الأسمرعبد الحليم حافظ حبيب قلبي طبعا
يعني بدل ما يرفض البيع و الشراء في الحب
هو اللي يُعتبر صوت الحب بأغانينا العاطفية
سمعتوا ايه بيقول؟

بيع قلبك
بيع حبك
شوف الشاري مين

والله بتخيل نفسي في صالة بورصة و أسهم
و عماله اسمع واحد بيقول :
اشتري الآن .. قبل ما نخسر
و واحد تاني بيصرخ :
لا تبيع إلاّ للي بيدفع أكثر

بس فينها سميرة توفيق عن تحريض عبد الحليم؟
هي أوّل مين يحرق أعصاب المسكين مجنونها علي
و تلعب بعقله علشان يروح يبيع الي فوقه والي تحته
علشان ترضى و تتزوجه

فاكرين ازاى بتطلب منه يبيع و يبيع و بيع؟

بيع الجمل يا علي .. واشتري مهر الإلـي
كرمي لوّح واستوى .. والعنب طاب وحِلـي
بيع .. بيع .. بيع .. بيع .. بيع الجمل يا علي

لاحول ولا قوه الابالله

يا جماعة انا مش عرفه ..
يا إما لسه ما فهمتش قيمة الحب
يا إما أغانينا العاطفية وزنها تقيل كتير على دماغي

يلا..
انا هروح اجرّب اشتري من السوبر ماركت كيلو حب
يمكن أقتنع بأنه الحب بأغانينا العربية هو الحقيقي

تشااااااو
و إذا ماشفتونيش بعد الموضوع ده
هذا يعني واحد من اتنين :
يا إما لقيت عريس رخيص و حلو و غني و لقطة
يا إما ادونى كام رصاصه الى بيحبوا المطربين دول
و بالحالتين ....

رجاءاً رجاءاً رجاءاً ...
اكتبوا على قبري :
" ماتت بسبب الحب "

و زي ما قالت المرحومة أسمهان :
" أنا اللي أستاهل كلّ اللي يجرالي "

اهو ده راي فنانينا العرب وانتم رايك ايه فى الحب ؟؟؟؟؟؟

اختكم حبة سكر

هههههههههههههههه
مشكله انتى يا سكررررررررررررره
على فكره من المعروف ان المصطلحات العامه بتاعتنا
او المصطلحات المصريه من اصعب المصطلحات
لان الشعب المصرى ماشاء الله عليه فى موضوع المصطلحات ده
وكل يوم يطلع مصطلح جديد
ومتهيالى استخدام المطربين للمصطلحات دى لتجانس الاغانى وسهولتها مش اكتر

تقبلى مرورى ياقمر

انتى ياحبة مش فاهمة معنى الحب طبعا ولا تاتى كلام عبد الحليم ووردة لو انتو كنتو حبيتو بجد كنتو هتعرفو معنى الكلام ده لكن الاخيرة اللى اسمها سميرة دى اللى عايزة واحد يبيع الجمل اهى دى تتحذف لانها مش موضوع حب

مين قالك يا حسن ان انا ولا هى مجربناش معنى الحب
الحب مش بالكلام ولا الغنى ولا بمجرد ان مغنى بيقول كلمه بنحسها وقتها نبقى بنحب
لا يا حسن الحب معنى اكبر من كده
متهيالى محدش محسش بمعنى الحب ولو مره واحده فى حياته
لان الحب مش حب الحبيب وبس!!!!!!

بس هى جابت كلمات وقالت عليها مش عارف ايه طيب ماعندك اغنية بياع القلوب اهى دى اغنية جامدة هى لو سمعتها هتروح لفضل وتقوله ادينى قلبين