سوسو كان مسافر وماما كانت بتنصحه قبل ما يسافر
يا ترى كانو بيقولو لبعض ايه؟
انت مسافر يا سوسو * ايوه مسافر يا ماما
مشوار طويل يا سوسو * بس انتى ادعيلى يا ماما
اركب قطر يا سوسو * لآ ماركبشى يا ماما
ليه مش قطر يا سوسو * ماهوبيولع يا ماما
خد الاوتوبيس يا سوسو * لآماخدشى يا ماما
والاوتوبيس مالو يا سوسو * فرامل مفهوش يا ماما
اركب بيجو يا سوسو * بخاف منها يا ماما
بتخاف ليه منها يا سوسو * فى الترعة تنط يا ماما
خد ميكروباص يا سوسو * ولا دا كمان يا ماما
مالو دا كمان يا سوسو * بيتقلب يا مامـــــــــا
خد نص نقل يا سوسو * لا ماخدوش يا ماما
ليه متخدهوش يا سوسو * ياخدو الرخص يا ماما
خد عربيتنا يا سوسو * لآماسوقشى يا ماما
ودى مالها كمان يا سوسو * لورى يطسها يا ماما
اركب طياره يا سوسو * دا مستحيل يا ماما
دى سريعه وحلوه يا سوسو * صاروخ يسقطها يا ماما
اركب مركب يا سوسو * يالهوى اخاف يا ماما
والمركب مالها يا سوسو * تغرق فى النيل يا ماما
اقعد فى البيت يا سوسو * لآ انا مسافر يا ماما
والبيت ايه عيبه يا سوسو * يقع علينا يا مامـــــــأ
هاتركب ايه يا سوسو * هاركب حمار يا ماما
ماهو اصل دا اللى بيفهم * لغة بلدنا يا مامــــــا[/color][/color
